I ētahi wā he uaua te maumahara i ngā āhuatanga i pā mai i mua rā anō.
Ka āhei koe ki te mātaki anō i tō kōrero i runga ataata i mua i tō whakautu pātai.
Ko ngā pātai a ngā rōia.
Tērā pea he iti noa ngā pātai, he nui rānei.
E hia pea ngā wā ka tukuna te pātai kotahi ki a koe e ngā tāngata rerekē, engari me mātua whakautu e koe.
- Ka āhei koe ki te tono kia hīkina mō tētahi wā.
- Me mātua whakautu koe i ngā pātai mēnā e mōhio ana koe ki te whakautu.
- Kaua rawa koe e kimikimi.
- He pai noa iho te kī kāore koe i te tino mōhio, kāore i te mōhio rānei, kāore i te maumahara rānei.
- Ka āhei koe ki te kī mēnā kei te hē tētahi mea.
Ka āhua whakamā pea koe ki ētahi o ngā taipitopito ka pātaitia koe – ka whakamahia pea e ngā tāngata ngā kupu kāore pea e whakamahia e koe. He wāhi motuhake te kōti e pai ana mōu ki te whakamahi kupu kāore pea e whakamahia e koe i ētahi atu wāhi.
E katia ana te Kōti ki te iwi whānui. Ko te hunga anake ka āhei ki te whakarongo ki a koe ko rātau kei roto i tēnei kēhi, ā, kāore rātau i te āhei ki te kōrero mō tēnei ina wehe ana rātau i te kōti.
Ko te hunga tuku pātai ko ngā rōia ērā. Ko te rangatira o te kōti ko te Kaiwhakawā.
Ka āhei he kaitautoko ki tō taha noho ai i roto i te kōti i a koe ka whakaputa i ō kōrero.