‘Oku faingata‘a ‘i he taimi ‘e ni‘ihi ke manatu‘i ha me‘a na‘e hoko ‘i ha taimi fuoloa ki mu‘a.
Te ke lava ‘o toe sio ‘i ho‘o vitiō fakamatalá ki mu‘a ke ke tali ‘a e ngaahi fehu‘í.
Ngaahi fehu‘i meí he kau loeá.
‘E ala ‘i ai ha ngaahi fehu‘i pē ‘e ni‘ihi pe ko ha ngaahi fehu‘i lahi.
‘E ala ‘eke atu kiate koe ha fehu‘i tatau laka hake ‘i he tu‘o tahá ‘e ha kakai kehekehe, ka ‘e kei fiema‘u pē ke ke tali ia.
- ‘E lava ke ke kole ki ha ki‘i mālōlō kapau ‘okú ke fiema‘u ia.
- ‘Oku pau ke ke tali ‘ae ngaahi fehu‘í kapau ‘okú ke ‘ilo‘i ‘a e talí.
- ‘Oku ‘ikai ngofua ke ke fakamahamahalo.
- ‘Oku lava ke ke pehē ‘oku ‘ikai ke ke fakapapau‘i pe ‘oku ‘ikai ke ke ‘ilo pe ‘ikai ke ke manatu‘i.
- ‘Oku lava ke ke lea hake kapau ‘oku fehalaaki ha me‘a na‘e lea‘aki.
‘E ala fakamā ‘a e ngaahi fakaikiiki ‘o e fehu‘i ‘e ‘eke atú – ‘e ala ngāue‘aki ‘e he kakai ‘i aí ha ngaahi lea ‘oku ‘ikai ke angamaheni ke ke lea‘aki. Ko ha feitu‘u makehe ‘a e Fakamaau‘angá ‘a ia ‘oku SAI PĒ ke ngāue‘aki ai ‘a e ngaahi lea ‘oku ‘ikai ke ke fa‘a ngāue‘aki ‘i he ngaahi feitu‘u kehé.
‘Oku tāpuni ‘a e fakamaau‘anga ki he kakaí. Ko e kakai pē ‘oku ngofua ke nau fanongó ko e kakai ‘oku ‘i ia ‘enau kaunga ki he keisí pea ‘oku ‘ikai ke ngofua ke nau talanoa fekau‘aki mo ia hili ‘enau mavahe meí he fakamaau‘angá.
‘E lava ke ke ma‘u ha tokotaha tokoni ke nofo fakataha mo koe ‘i ho loki ‘i he fakamaau‘angá ‘i he taimi te ke vahevahe atu ai ho‘o talanoá.
Ko e kakai ‘oku nau ‘eke ‘a e ngaahi fehu‘í ko e kau loea. Ko e tokotaha ‘oku pule ‘i he fakamaau‘angá ko e Fakamaaú (Judge).