Te ke lava ‘o līpooti kapau ‘oku fakalavea‘i koe ‘e ha taha ‘i ha fa‘ahinga taimi pē.
Ko fē ‘a e taimi ‘e lava ke ke tala aí?
Mahalo na‘e toki hoko pē ia ki muí ni pe na‘e hoko ‘i ha taimi fuoloa ki mu‘a. Te ke lava ‘o līpooti kapau ‘oku fakalavea‘i koe ‘e ha taha ‘i ha fa‘ahinga taimi pē.
Ko hai te u lava ‘o tala ki aí?
Te ke lava ‘o talanoa ki he kau Polisí pe te ke lava ‘o talaange ia ki ha tokotaha lahi falala‘anga – ko ha tokotaha ‘okú ke ‘ilo‘i ‘okú ke ongo‘i malu ai. ‘E lava ke hoko ia ko ha‘o fāmili, faiako, mātu‘a ‘o ha‘o kaungāme‘a, faiako sipoti pe ko ha tokotaha lahi pē ‘okú ke ongo‘i FIEMĀLIE ke talanoa ki ai.
Ko hono tala ki he kau Polisí
Kapau ‘okú ke fie talanoa ki he kau Polisí te ke lava ‘o telefoni kiate kinautolu ‘i he 111 pe lava atu ki ha ‘apitanga Polisi. ‘E lava ke ke kole ke talanoa ki ha tokotaha ‘okú ne ‘ilo fekau‘aki mo e fakamālohi ‘i he tō‘onga fakalieliá.
Ko hono ma‘u ha tokoní
Lolotonga ho‘o talitalí, ‘oku ‘i ai ‘a e ngaahi feitu‘u ke ma‘u mei ai ha tokoni. ‘E ala ma‘u ‘e ho‘o tokotaha lahi falala‘angá ha tokoni ma‘á u.
Fie talanoa ki ha taha?
‘Okú ke loto ke talanoa ki ha tokotaha? ‘Oku ta‘etotongi mo fakapulipuli ‘a e Safe to talk. ‘Ilo lahi ange(external link)
Youthline
‘Oku ta‘etotongi mo fakapulipuli. Talanoa ‘i he ‘initanetí (webchat), ‘i he telefoni ta‘etotongí, pōpoaki telefoni, pe ‘īmeili. ‘Ilo lahi ange(external link).
0800 What’s Up?
Telefoni ta‘etotongi mai kiate kimautolu pe talanoa mai ‘i he ‘initanetí pe ‘īmeilí. ‘Ilo lahi ange(external link).