Ko hono fakahoko ‘o ha tu‘utu‘uni
‘Oku faitu‘utu‘uni ‘a e Fakamaaú pe Kau Sulá pe na‘e maumau‘i ‘e he tokotahá ‘a e laó pe ‘ikai.
Ko e Kau Sulá ko ha kulupu ia ‘o e kakai lalahi ‘a ia ‘oku ‘ikai ke nau ‘ilo‘i koe pe ko e tokotaha kuó ne maumau‘i ‘a e laó.
Ko e tala tu‘utu‘uní ko e me‘a ia kuo faitu‘utu‘uni ki ai ‘i he ngata‘anga ‘o e keisi ‘i he fakamaau‘angá
Kapau na‘a nau maumau‘i ‘a e laó ‘oku nau halaia pea ‘oku faitu‘utu‘uni ‘a e Fakamaaú ki he me‘a ‘e hoko kiate kinautolú (ko e tauteá). ‘Oku fakahoko ‘a e tu‘utu‘uni ki he tauteá ‘i ha hopo ‘tala tu‘utu‘uni‘.
Kapau na‘e ‘ikai ke nau maumau‘i ‘a e laó ‘oku ‘ikai kenau halaia. ‘E ala tu‘utu‘unia ‘e he Fakamaaú pe Kau Sulá pe ‘oku tonuhia ‘a e tokotaha ko iá.
Kapau ‘oku faitu‘utu‘uni ‘a e Fakamaaú pe Kau Sulá ‘o pehē ‘oku tonuhia ‘a e tokotahá ‘oku ‘ikai ke ‘uhinga ‘eni ia na‘e fai ‘e ho‘o tokotaha kei si‘í ha me‘a ‘oku hala. ‘Ai ke ‘ilo ‘e ho‘o tokotaha kei si‘í na‘a nau loto-to‘a ‘aupito ke lea hake fekau‘aki mo e me‘a na‘e hoko kiate kinautolú.
Ko ho fatongiá ko hono poupou‘i ho‘o tokotaha kei sií lolotonga ‘a e taim faingata‘a ko ení.