Ngaahi fehu‘i angamahení

‘E ala fiema‘u ‘e he kau polisí ke ke ‘alu ki he fakamaau‘angá ko ha ‘fakamo‘oni’ kapau na‘á ke talaange kiate kinautolu ha me‘a na‘e hoko kiate koe pe ko ha tokotaha kehe. Te ke ‘alu atu ki he fakamaau‘angá ke fakamatala ki ha fakamaau pe taimi ‘e ni‘ihi ko ha kau sula ‘a e me‘a na‘e hokó. ‘Oku ui ‘eni ko hono ‘‘oatu ‘o ha fakamo‘oni.”

Te ke ‘ilo nai ha tokotaha na‘e ‘alu ki he fakamaau‘angá pea iku ‘o tuku pilīsone. Na‘a nau hoko ko ha tokotaha faiahia. Kapau ko ha tokotaha fakamo‘oni tokotaha fakamo‘oni
Ko ha tokotaha ‘okú ne fakamatala ki he fakamaau‘angá fekau‘aki mo e me‘a na‘a nau sio ki ai, fanongo pe hokosiá. koe ‘i he fakamaau‘angá, ‘oku ‘ikai ko koe ‘oku fai hono hopo‘í pea ‘e ‘ikai ke lava ke ke ‘alu ki pilīsone. ‘Okú ke ‘i aí pē ke tokoni ki hono fakamatala ki he fakamaaú/kau sulá ‘a e me‘a na‘e hokó.

‘Ikai. Kapau ‘oku fakahaa‘i ‘e he tokotaha faihalá ko ia na‘á ne fakahoko ‘a e hiá (tali halaia), ‘e ‘ikai ke fiema‘u ia ke ke ‘alu ki he fakamaau‘angá. ‘I he ngaahi tūkunga ‘e ni‘ihi, ‘oku toe felotoi foki ke ‘oua ‘e fiema‘u ‘a e tokotaha fakamo‘oní ke ‘alu ki ha fakamaau‘anga ‘o ‘i ai tonu, ka e lava pē ‘o ‘oatu ‘enau ngaahi fakamo‘oní ki he kau sulá ‘i ha founga kehe.

‘I he fakamaau‘angá ko ha tokotaha ‘oku ui ko e fakamaaú pea taimi ‘e ni‘ihi ko ha kau sula ‘oku nau fanongo ki he ngaahi me‘a ‘oku lea‘aki ‘e he tokotaha kotoa fekau‘aki mo e me‘a na‘e hokó pea tu‘utu‘uni pe ‘oku halaia ‘a e tokotaha faihalá ki he hiá ‘o fakalaka atu ‘i he ngaahi ta‘epau‘ia ‘oku ‘uhingamālie. ‘Oku ‘uhinga ‘a e “Halaia ‘o fakalaka atu ‘i he ngaahi veiveiua ‘uhingamālié” kuo fakapapau‘i ‘e he fakamaaú pe kau sulá na‘e fakahoko ‘e he tokotaha faihiá ‘a e hiá. ‘Oku fiema‘u ke nau fakapapau‘i, ‘ikai ke fakapapau‘i peseti ‘e 100, ka e fakapapau‘i ‘aupito, ‘oku halaia ‘a e tokotaha faihiá ‘o ‘ikai ha toe veiveiua. ‘Oku ‘ikai malava ke tautea ha tokotaha ki ha hia mamafa kae ‘oua kuo fakapapau‘i ‘e he fakamaaú pe kau sulá na‘á ne fai ia. Kapau ‘oku ‘i ai ha veiveiua, ‘a ia ‘oku ‘uhingamālie, ‘e tu‘utu‘uni leva ‘e he fakamaaú pe kau sulá ‘oku tonuhia ‘a e tokotaha faihiá. Kapau ‘oku tu‘utu‘uni ‘e he fakamaaú pe kau sulá ‘oku halaia ‘a e tokotaha faihiá ‘o ‘ikai ha toe veiveiua, ‘e tu‘utu‘uni leva ‘e he fakamaaú ‘a e me‘a ‘e hoko ki he tokotaha faihiá (ko e tauteá).

‘Oku makatu‘unga pē ia ‘i he tūkunga takitaha pe ‘e tu‘o fiha ‘a e fiema‘u ke ke ‘alu ai ki he fakamaau‘angá. ‘I he taimi ‘e ni‘ihi te ke lava pē ‘o tali kotoa ho‘o ngaahi fehu‘í ‘i ha ‘aho pē ‘e taha, pea taimi ‘e ni‘ihi ‘e fiema‘u ke ke toe ha‘u tu‘o ua. ‘I he ngaahi tūkunga ‘e ni‘ihi, ‘e ‘i ai ha palopalema ki he hopó pea ‘e fiema‘u ai ‘e he fakamaau‘angá ke toe kamata fo‘ou ‘a e ngāué, neongo ‘oku ‘ikai ke fa‘a hoko ‘eni. 

‘E lava ke fiema‘u ha taimi lōloa ka e toki a‘u ‘a e keisí ki he fakamaau‘angá, taimi ‘e ni‘ihi ko e ngaahi māhina, taimi ‘e ni‘ihi ko e ngaahi ta‘u.

Lolotonga ‘a e taimi ko ení ‘oku tānaki ai ‘e he kau polisí ‘a e ngaahi fakamo‘oni ki he keisí, fakafehu‘i ‘a e kakai na‘a nau sio pe fanongo nai ki ha me‘a, vakai‘i pe ‘oku ‘i ai ha ngaahi sivi fakafaito‘o ‘okú ne fakamo‘oni‘i ha fakamatala ‘a ha tokotaha talatalaaki pea teuteu ki he ngaahi ngāue ‘i he fakamaau‘angá. Koe‘uhi ‘oku lahi ‘a e ngaahi keisi ‘oku ‘ave ki he fakamaau‘angá, ko e keisi takitaha ‘oku fiema‘u ke tatali ki honau taimi ‘oku hā ‘i he lisi talitali ‘a e fakamaau‘angá. ‘Oku fakamu‘omu‘a ‘a e ngaahi keisi ‘e ni‘ihi ‘oku ‘omai ai ‘e ha tokotaha kei si‘i, to‘utupu si‘isi‘i hifo ‘i he ta‘u 17 ha fakamo‘oni.

‘E fetu‘utaki atu ha Tokotaha Fale‘i ki he Kau Mamahí ‘a e Fakamaau‘angá kiate koe/ko ho‘o mātu‘á, fāmilí, pea fakafehokotaki koe ki he kautaha ngāue ki he ako‘i ‘o e kau fakamo‘oni kei si‘í ki he fakamaau‘angá. Ko ha ngāue eni te ne tokoni‘i koe ke ke ‘ilo ‘a e me‘a ‘e hoko ‘i he fakamaau‘angá pea tokoni‘i koe mo ho fāmilí ‘i he ngaahi ngāue ‘a e fakamaau‘angá. Kuo pau ke fetu‘utaki atu ma‘u pē ‘a e kau polisí mo e Tokotaha Fale‘i ki he Kau Mamahí ‘a e Fakamaau‘angá fekau‘aki mo e me‘a ‘oku hoko ki he keisí. Kapau ‘okú ke hoha‘a fekau‘aki mo e fuoloa ‘a e ngāue ki aí, ‘eke ki he kau polisí pe Tokotaha Fale‘i ki he Kau Mamahí ‘a e Fakamaau‘angá pe ko e hā ‘a e me‘a ‘oku hokó.

‘E talaatu ia ‘e he ‘ōfisa polisi ‘okú ne tokanga‘i ‘a e keisí pe Tokotaha Fale‘i ki he Kau Mamahí ‘a e Fakamaau‘angá. Te nau talaatu pe kuo tali ‘halaia’ pe ‘tonuhia’ ‘a e tokotaha faka‘iloá. Kapau ‘e tali ‘tonuhia’ ha tokotaha faka‘iloa, ‘e talaatu ‘e he ‘ōfisa polisí pe ‘a e keisí pe Tokotaha Fale‘i ki he Kau Mamahí ‘a e Fakamaau‘angá ‘a e ‘aho ‘o e tala tu‘utu‘uní mo e feitu‘u ‘e fakahoko aí.

Kapau ‘e tali halaia ‘a e tokotaha faka‘iloá, ‘e fakahā ia ‘e he fakamaaú kiate ia ‘i he ‘aho ko iá pe ko ha ‘aho kehe.  ‘E ‘ikai toe fiema‘u ke ke ‘ave ha fakamo‘oni pea ‘e ‘ikai fiema‘u ke ke ‘i he fakamaau‘angá ‘i he tala tu‘utu‘uní kapau ‘oku ‘ikai ke ke loto ki ai.

Kapau ko ha hopo sula ‘e fokotu‘utu‘u ‘e he kau polisí ke ke fakataha mo e tokotaha talatalaakí ki mu‘a ‘i he ‘aho ‘o e hopó. ‘Oku angamaheni ke fakataha mo koe ‘a e Tokotaha Fale‘i ki he Kau Mamahí ‘a e Fakamaau‘angá ‘i ha uike nai ‘e 3 ki mu‘a ke ke ‘alu ki he fakamaau‘angá pea talanoa‘i mo koe ha ngaahi ma‘u‘anga tokoni ki he anga ‘o e ngāue ‘a e fakamaau‘angá, fakahinohino holo koe ‘i he fale hopó pea fakamatala‘i ‘a e me‘a ‘e hoko ‘i he fakamaau‘angá.

Kuo pau ke ke talaange ki he ‘ōfisa polisi ‘okú ne tokanga‘i ‘a e keisí kapau ko e lea faka-Pilitāniá ko ho‘o lea fika uá ia. Kapau ‘oku nau fakakaukau ‘e uesia ai heni ho‘o ‘omai ‘a e fakamo‘oní te nau ala fokotu‘utu‘u ke ‘i ai ha‘o tokotaha liliu-lea ‘i he fakamaau‘angá koe‘uhi ke ke mahino‘i ‘a e me‘a ‘oku lea‘akí pea tali mahino ‘a e ngaahi fehu‘í.

Kapau ko e lea faka-Pilitāniá ko ho‘o lea fika uá ia ‘e tokoni ke ‘i ai ha‘o tokotaha liliu-lea neongo kapau ‘oku sai pē ho‘o lea faka-Pilitaniá. ‘E lava ke fakatupu loto-mafasia ‘a e fakamaau‘angá pea ‘oku ‘ikai ha me‘a kehe ke ke hoha‘a ki ai.

Kapau ‘oku ‘i ai ha‘o faingata‘a‘ia fakaesino kau ai ‘a e faingata‘a‘ia ‘a e fanongó, sió, ‘iló mo e mahinó, mo‘ui lelei faka‘atamaí pe uesia fakaesino, ‘e fiema‘u ke ke talaange ia pe ko ha tokotaha lahi ki he kau polisí. Te nau lava ‘o fokotu‘utu‘u ‘a e ngaahi me‘a ‘i he loki hopó ke tokoni kiate koe. ‘E ala kau ki heni ha tokotaha fakatonu-lea kapau ‘okú ke telinga tuli.

Kapau ‘e ‘ave ki he fakamaau‘angá ha tokotaha na‘á ne fakahoko ha hia mamafa, ‘e ala tauhi kinautolu ‘i pilīsone pe totongi-malu‘i totongi-malu‘i
Ko hono tukuange ha tokotaha mei hano tauhi fakalao ‘i ha ngaahi makatu‘unga, kau ai ‘a e ‘alu ki he fakamaau‘angá. ki tu‘a. Ko e totongi-malu‘i ki tu‘á ko e taimi ia ‘oku fiema‘u ai ke muimui ha tokotaha ‘i ha ngaahi fiema‘u pau. ‘E lava ke kau ki he ngaahi makatu‘unga ko ‘ení ‘a e ‘ikai ke toe fai ha fetu‘utaki atu kiate koe. Fakapapau‘i ‘okú ke talaange ki he kau polisí ‘okú ke fiema‘u ke hoko ‘eni. 

‘Oku totonu ke ke tui ha vala ‘oku ma‘a mo maau ‘a ia ‘okú ke ongo‘i fiemālie aí. ‘E lava ke ke ‘eke ki he kau polisí, ‘a ia kuo nau tokoni‘i koé, kapau ‘oku ‘i ai ha‘o fa‘ahinga fehu‘i fekau‘aki mo e vala ‘okú ke fie tuí.

Koe‘uhi te ke ala ‘i he fale fakamaau‘angá ‘i ha taimi lōloa ‘i he lolotonga talitali ki ho‘o taimi ke tali ai ho‘o ngaahi fehu‘í, ‘oku lelei ke ke fakapapau‘i ‘oku ‘i ai ha me‘a ke ke kai mo inu. To‘oto‘o ha me‘akai ho‘atā mo ha me‘akai ke ke kai he lolotonga ‘a e ‘ahó. Te ke ala to‘oto‘o ha tohi pe makasini, fasi ke fanongo ki ai, keimi pe ko ha me‘a kehe ke fai lolotonga ho‘o talitalí.

‘Oku makatu‘unga ‘eni ‘i ha ngaahi me‘a lahi kehekehe, ka ‘e fakapapau‘i ‘e he kau polisí ‘okú ke ‘ilo‘i ‘a e taimi ‘oku fiema‘u ke ke ‘i fakamaau‘anga aí. Ko e lahi taha ‘o e ngaahi fakamaau‘angá ‘oku kamata ‘i he 10 pongipongi. ‘Oku angamaheni ke fakauta koe ‘e he kau polisí ‘o ‘ave koe ki he fakamaau‘angá. ‘E lava ke ke vakai‘i pe ‘e fakahoko ia ‘i ha me‘alele ‘oku ‘ikai ke ‘i ai ha faka‘ilonga ai ‘a e kau polisí. 

‘E makatu‘unga ia ‘i he lōloa hono fakafe‘iloaki ‘e he tokotaha talatalaakí mo e loea taukapó ‘a e keisí. Kapau ko e tokotaha lāunga koe ‘o ha keisi fakamālohi fakaefehokotaki fakasino ‘oku totonu ke ke kau ‘i he ‘uluaki kakai ke ‘oatu ‘enau fakamo‘oní ko ia ai fakatauange pē, ‘e ‘ikai ke fiema‘u ke ke tatali lōloa.

Ka ‘i he taimi ‘e ni‘ihi ‘e ala fiema‘u ha ‘aho kakato pe lahi ange ai ke maau ai ‘a e kakai ‘i he loki hopó ka ke toki fakahaa‘i ai ho‘o fakamo‘oní. ‘Oku totonu ke fakahaa‘i atu ma‘u pē ‘e he ‘ōfisa polisi ‘okú ne tokanga‘i ‘a e keisí ‘a e me‘a ‘oku hokó lolotonga ho‘o talitalí.
 
Kapau ‘oku ‘ikai ko e tokotaha lāungá koe, ‘e fakahaa‘i atu kiate koe ‘a e taimi ‘oku fiema‘u ke ke ‘i he fakamaau‘angá ai ke ‘oatu ho‘o fakamo‘oní. Neongo ‘oku ‘oatu ha taimi, ‘e ala kei fiema‘u pē ke ke talitali ke ‘osi ‘a hono fakahaa‘i atu ‘e he kakai kehé ‘enau fakamo‘oní ki mu‘a ke hoko ho taimí.